Manjani kritikon dyfishimin e zv.ministrave nga Rama. ”Qeveri e vogël, por zëvendës-qeveri e madhe, ushtri zyrtarësh po pa asnjë mision!”, shkruan ish-ministri i Drejtësisë.
”Meqë kishte ankesa për qeverinë e vogël, ja ku u gjet dhe zgjidhja: Krijohet zëvëndës-qeveria e madhe! Një ushtri zyrtarësh të mirëpaguar, por pa asnjë mision e as kompetencë ligjore.
Detyra e vetme ligjore e Zëvendësministrit është: Të zëvendësojë Ministrin kur ky i fundit është në pamundësi për të kryer detyrën! Çdo detyrë tjetër që mund t’i jepet, nuk e bën Zëvendës Ministrin as mbi ministër e as Ministër më vete!”, thekson Manjani.
Siç shpjegon juristi, Kushtetuta njeh vetëm Ministrin, Këshillin e Ministrave ( jo Këshillin e Zëvendës Ministrave) dhe Kryeministrin (jo Kryezëvendësmimistrin).
”Ndaj çdo ministër mjafton të ketë nje zëvendës! Më shumë është më kot!
Pra edhe Rilindja nuk pati këllqe ta çojë deri në fund reformën qeverisëse!
Edhe ajo si qeverisjet e mëparshme, e konsiderojnë reformën: goditje të kundërshtarit politik!
Ta gëzojmë edhe zëvendës qeverinë!”, përfundon Manjani.
Rama publikoi emrat e zëvendësministrave, ndërsa nuk ka hezituar t’u bëjë një përshkrim të shkurtër të përvojës e kualifikimit të tyre. Vite më parë Rama ironizonte gradat e marra nga doktorët mes parlamentit, por sot ka preferuar t’ua theksojë të zgjedhurëve të tij. Ndryshe nga qeverisja e parë, ku kishte 2 zv.ministra, kësaj here Rama e ka dyfishuar numrin e tyre. (V.G/SHUPLAKA)
Discussion about this post