KQZ vendosi sot për heqjen e mandateve deputetëve Dashamir Tahiri, Shkëlqim Selami dhe kryebashkiakut Elvis Rroshi. Pas marrjes së këtij vendimi, kanë reaguar të parët ambasada e SHBA-ve në Shqipëri, deputetja demokrate Majlinda Bregu dhe Ministri i Drejtësisë, Ylli Manjani.
Në reagimin e tij, ministri Manjani shkruan se ligji duhet zbatuar pavarësisht kostove dhe kjo sjellje të karakterizojë komisionet edhe në vazhdimësi.
Ai shprehu respekt për KQZ-në dhe Prokurorinë, “institucionet e shtetit që kur vendosin, i bëjnë të tjerët të heshtin”.
“Mesazh i qartë dhe i prerë!
Ligji duhet zbatuar me çdo kosto! Uroj të jetë kjo sjellje korrekte e Institucioneve te Shtetit edhe ne vijimësi!
Kur vendosin Institucionet e shtetit të tjerët heshtin!
Rrespekt për KQZ dhe për Prokurorinë!
Gëzuar vërtetë!”, shkruan ministri Ylli Manjani. (XH.A/SHUPLAKA)
Discussion about this post