Ministri i Drejtësisë, Ylli Manjani, ndoqi nga afër lirimin e grave të burgosura që përfituan ditën e sotme nga amnistia për të dënuarit. Nga burgu i “Ali Demit” në Tiranë, ai bëri thirrje publike për strehimin e për më tepër socializimin e këtyre grave.
Manjani siguroi se gratë që përfitojnë nga amnistia janë të riedukuara dhe të gatshme për t’u punësuar në punë të ligjshme dhe jo në trafik kanabis. Ai kërkoi që ato të mos dënohen sikundër dënoheshin më parë nga regjimi, port ë cilësohen si një kontribut i rëndësishëm në ekonominë kombëtare.
Në fjalën e tij, ministri i Drejtësisë, shprehu besimin se ministri i Mirëqënies Sociale, Blendi Klosi, do ta ketë në vëmendje këtë çështje, sikundër kishte premtuar.
“Edhe njëherë pata mundësinë të jem tek institucioni i vuiajtjes së dënimit për gratë, e zgjodha jo pa qëllim për të hapur derën e zbatimit të ligjit të amnistisë.
Këta njerëz që dalin nga këto institucione iu siguroj se janë të riedukuar. Pavarësisht dënimit që kanë bërë, kjo nuk do të thotë të gjykohen siç ka dënuar më parë regjimi. “Një grua në burg është një familje në vuajtje”, unë e kam këtë pikëpamje. Kjo është thirrja ime për shoqërinë shqiptare.
Jam i bindur që Klosi do ta mbajë premtimin që ka bërë në këtë institucion. Këto gra janë kontribuese të rëndësishme në ekonominë kombëtare.
Duhet të punësohen në punë të ligjshme se kanabisi nuk ëhstë punë e ligjshme.”, u shpreh ai ndër të tjera. (XH.A/SHUPLAKA)
Discussion about this post