Ministri i Drejtësisë Ylli Manjani ka reaguar sërisht sot me përfshirjen e emrit të në çështjen ‘’Balili’’. Sipas disa lajmeve që qarkulluan dje ministri Manjani ka fluturuar drejt Dubait me Balilin përpara se ai të ishte nën kërkim nga policia.
Vetë Manjani i ka cilësuar si qesharake këto akuza dhe se ai nuk ka kryer asnjë fluturim me Balilin dhe aq më pak të ketë qenë në Dubai. Sipas tij ai ska qenë asnjëherë në këtë vend.
;;Sipas disa analistëve portalistë dhe jo vetëm, paskam qenë në Dubai dhe me Klement Balilin.
Për të gjithë ju që keni interes, në Dubai skam qenë kurrë në jetën time! Me këtë person skam udhëtuar ndonjëherë as në furgon e as në avion! Udhëtimet turistike i bëj ekskluzivisht me familjen time!
Shpifja nuk ndihmon askënd! Mbetem përkrahës i fjalës së lirë edhe kur kjo është shpifje!
Por me rastin e të 7-tave (muajve të urdhër-arrestit ndërkombëtar) edhe njëherë tërheq vemendjen: Ta arrestojë kush e ka në dorë! Ndoshta pas arrestimit mund tua thotë vetë ai se me kë ka udhëtuar në Dubai e kudo tjetër!
Mirupafshim deri në udhëtimin tjetër imagjinar..!’’, mbyll reagimin Ministri.
Discussion about this post