Ndërkohë që opozita që prej 18 shkurtit kërkon vazhdimisht krijimin e një qeverie dhe shtyrjen e zgjedhjeve të vendosura më 18 qershor, ish-ministri i Drejtësisë Ylli Manjani ka një mendim tjetër.
Sipas tij, opozita nuk duhet të kërkojë shtyrje të zgjedhjeve, por afrim të tyre.
“Shtyrje të zgjedhjeve?! Po të isha opozita do kërkoja të afroheshin! Një orë e më parë! Pavarësisht drogës, kriminelëve dhe dhunës!”, shkruan Manjani.
Nesër pritet të zhvillohet një nga protestat më të mëdha deri më tani të opozitës, siç është paralajmëruar prej kreut të PD-së Lulzim Basha dhe eksponentëve të tjerë nga opozita. (D.D/Shuplaka)
Discussion about this post