Ish-ministri i Drejtësisë Ylli Manjani, ka reaguar pas videos të publikuar nga kreu i LIBRA-s Ben Blushi, ku shihej se si janë vjedhur 18 vota të LIBRA-s në Tiranë.
Këtë rast, Manjani e cilëson si arritjen e kulmit ndërsa shton se bie dakord që blerja e votës nuk provon shkallën e ndikimit në rezultat, por ama sipas tij ndikon në numërim.
“E njëjta gjë ka ndodhur edhe me votat e LIBRA….
Numërues me punë në Ministrinë e Mbrojtjes, është hedhur në sulm për të vjedhur, në mbrojtje të rilindjes! Nënpunësi i NATOS …. Kulmiiiiii!!!!
Vetëm në këtë video, rreth 30 minuta janë 18 vota të vjedhura. Nuk e di se çmund të ketë ndodhur tek të tjerat!
Jam krejt dakort që blerja e votës nuk provon shkallën e ndikimit në rezultat! Por vjedhja e saj në numërim, ndikon që çke me të!
Këto nuk janë votime! Zgjedhje jo e jo!”, shkruan Manjani.
Pak më herët, para se të publikonte videon, Blushi tha se votat e LIBRA-së nuk janë numëruar si duhet dhe se në fund është manipuluar me to.
“JA PROVA SI U VODHËN VOTAT. DY KUTI NË TIRANË 18 VOTA. SIPAS KQZ ZERO.
Më poshtë po postoj nje pjesë të raportit që disa dhjetëra vajza dhe djem LIBRA, kanë bërë pas monitorimit të disa kutive në Tiranë, ndërsa ka publikuar edhe një video.
Nga numerimi i votave në pamjet filmike të marra zyrtarisht nga KQZ rezulton se vetëm në dy kuti në njësinë 8 në qytetin e Tiranës,LIBRA ka patur 9 vota tek secila prej tyre, të cilat janë bërë zero ne fund të numërimit. Ka qindra raste si këto te cilat do tja coj KQZ dhe natyrisht Gjykatës.
Do padis personalisht cdo komisioner që ka vjedhur votat duke ia dhënë sipas marreveshjes Rilindjes dhe Republikës së Re.A e imagjinoni dot si mund të zhduken 18 vota në vetem dy kuti në Tiranë?Po në gjithë Shqipërinë?Duke zbardhur kutitë natyrisht zbardhet dhe marrveshja.Numrat e kutive apo QV respektivisht janë 19 39 ZAZ 38 dhe 19 44/2 ZAZ 38.”, shkruante Blushi. (D.D/Shuplaka)
Discussion about this post