Duke u ndalur sërish tek shkarkimi i tij, Ylli Manjani, u shpreh se për një arsye tjetër është i padrejtë shkarkimi i tij. Sipas Manjanit, partnerët ndërkombëtarë i kanë kryeministrit Edi Rama të shkarkojnë nga detyra ministrin e Punëve të Brendëshme, Saimir Tahirin.
“Çfarë kam thënë unë? Të arrestohet Balili, drjetorët e policisë hanin e pinin te Santa Quaranta. Unë nuk kisha ndonjë kompleks. Ramës i është kërkuar shkarkimi i ministrit të tij të Brendshëm, i kanë kërkuar shërbimet partnere, dhe jo timin. Ai duhet të ishte i shkarkuari, jo unë, i di mirë arsyet ai. Është kollaj t’i kërkosh ministrit pse flet pa leje. Ja pra, këto janë historitë. Unë i kam thënë. Jam tërësisht i qartë dhe i përgatitur për çdo lloj skenari. Nuk kam bërë kurrë kompromis në raport me të vërtetën dhe me profesionalizmin.”, është shprehur ai. (XH.A/SHUPLAKA)
