Ndeshja mes Maqedonisë dhe Shqipërisë do të zhvillohet më 5 shtator në orën 20:45 në stadiumin “Mlladost” në Strumicë. Mirëpo për arsye që ende nuk dihet federate maqedonase nuk ka bërë publik vendin se ku shiten biletat për takimin.
Federata e futbollit të Maqedonisë (FFM) në mbledhjen e Këshillit drejtues ka publikuar se biletat për ndeshjen kundër Shqipërisë do të kushtojnë 200, 400 dhe 600 denar varësisht nga vendi ku do të ulet secili nga tifozët që do ta ndjeki nga stadium.
Por fakti që vendi i shitjes së biletave nuk dihet ka bërë që tifozët ti drejtohen mediave, por edhe ato nuk dinë vendodhjen e biletarive.
Mediat shqiptare dhe ato maqedonase kanë ironizuar me këtë fshehje që po bën Federata e futbollit Maqedonas. “Sport1mk” shkruan “Alo FFM ku shiten biletat e Maqedoni-Shqipëri”, ndërsa “Lajmpress”, shkruan “Askush s’e di se ku shiten biletat për Maqedoni-Shqipëri!”.
Tifozëve shqiptarë u takojnë 450 vende në stadium, ndërkohë që kapaciteti i tij është mjaft i kufizuar, rreth 700 vende. (B.H/Shuplaka)
