Ditën e sotme Maqedonia do të zhvillojë zgjedhjet parlamentare. Në këto zgjedhje marrin pjesë gjithsej 11 subjekte zgjedhore të ndara në parti apo koalicione. Sipas listave të shpallura në zgjedhjet në Maqedoni do të marrin pjesë 1.784.416 shtetas të Maqedonisë, prej të cilëve 1.531.368 në Maqedoni.
Këto janë zgjedhje të parakohshme në Maqedoni pasi prej disa vitesh këtij vendi i mungon stabiliteti në qeverisje, mirëpo edhe këto zgjedhje nuk pritet të sjellin një fitore të qartë pasi partitë kryesore nuk priten të marrin më shumë se 20 % të votave, çka do të detyrojë ato të bëjnë koalicione pas zgjedhore.
Këto zgjedhje do të monitorohen nga rreth 8 mijë vëzhgues vendor dhe rreth 800 vëzhgues të huaj. Edhe ditë më parë është paralajmëruar për trazira që mund të përfshijnë vendin ditën e sotme. Edhe në këto zgjedhje partitë shqiptare në Maqedoni nuk kanë mundur dot të bashkëpunojnë mes tyre, por e kanë ndarë votën mes njërës apo tjetrës parti.
