Armando Maradona vazhdon të jetë po i njëjti karagjoz me deklaratat e tij në media.
Argjentinasi nuk i ka kursyer kritikat për presidentin e Napolit, Aurelio de Laurentis dhe sulmuesin Gonzalo Higuain.
“Presidenti i Napolit, Aurelio De Laurentis, është gati të shesë edhe bashkëshorten e vet për para. Vendimet duhet të merren në bazë të zemrës, unë zgjodha Napolin dhe Higuain vendosi për Juventusin. Kohët kanë ndryshuar pasi më parë lojtarët i tërhiqte fanella, dhe tani paratë”- ka thënë Maradona.
Ish- trajneri i Argjentinës është një tifoz i zjarrtë i Napolit ku ka luajtur edhe vetë gjatë viteve 1984-1991, ku numëron 188 ndeshje me fanellën e napolitanëve dhe ka shënuar 81 gola.
