Mbretëresha e filmit dhe skenës shqiptare, Margarita Xhepa u nda nga jeta në moshën 91-vjeçare, një ditë pas ditëlindjes së saj. Miq, kolegë dhe të afërm, si dhe politika ndau mesazhe ngushëllimi për humbjen e aktores së mirënjohur.
Në një intervistë për Fax News me gazetaren Sedjana Huna, Helena Halilaj, poetja dhe shkrimtarja e njohur, ndau kujtimet e saj më të dashura për Margarita Xhepën, aktoren e paharruar që ka lënë gjurmë të thella në teatrin shqiptar.
Për Halilajn, Margarita ishte një mike e ngushtë dhe një shpirt i veçantë, që përveç talentit të jashtëzakonshëm artistik, shkëlqente me natyrën e saj të ngrohtë dhe të sinqertë. Ajo kujton me dashuri momentet e shumta që ka ndarë me Margaritën.
Në intervistën e saj, Halilaj përmend se Margarita ishte një grua e fuqishme, por gjithashtu një mikeshë e kujdesshme dhe mbështetëse. Kujtimet e saj për Xhepën janë të mbushura me emocione, pasi ajo nuk ishte vetëm një artiste e shquar për të, por më shumë se kaq.
