Marin Mema përgjigjet publikisht për statusin ‘Non Grata’ në Greqi: Ata kanë frikë se tregojmë disa të vërteta

Kanë kaluar plot 7 vite qëkurse Marin Mema u shpall një person non grata nga shteti grek, duke e cilësuar atë si një element që përbën rrezik kombëtar.

I ftuar sot në “Kurthin e Piter Pan” dhe i vendosur përballë pyetjes së Xhejsonit, Marini tregoi edhe njëherë tjetër mendimin e tij rreth kësaj teme të shumëpërfolur në media.

“Unë veten për djalë të mirë e njoh. Nuk e di për të rrezikshëm. Kanë frikë komshinjtë që ne të themi disa të vërteta”.

Megjithatë Marini shprehet se nuk do donte të ndodhte e njëjta gjë me gazetarët e Greqisë apo Serbisë në vendin tonë.

“Nuk do doja të bëhej e njëjta gjë me gazetarët Grekë apo Serbë, ne nuk kemi asgjë për të fshehur. Përkundrazi ne jemi shumë të hapur, shumë mikëpritës. Historia jonë është ajo që është dhe nuk e ndryshon asnjë”.

Shkaqet për shpalljen e Marinit person Non Grata mësohet të jenë dy reportazhet që ai ka realizuar në tokën greke. I pari kishte të bënte me trajtimin e problematikës në krahinën e Çamërisë dhe tjetri paraqiste fshatin e lindjes të patriotit shqiptar Papa Kristo Negovani.

Burimi:TvKlan