Mario Dedivanoviç është djali bukurosh që kujdeset për çdo detaj në fytyrën e yllit botëror, Kim Kardashian.
Sot arstisti shqiptar ka publikuar një foto të kalendarit të punës së tij më 5 prill 2008 kohë kur ka pasur takimin e parë me Kimin, dhe rrëfen se gjërat nuk ishin aq të thjeshta për të dy.
“Ky është kalendari im i datës 5 prill 2008, thuajse 10 vite më parë ku u njoha me Kim Kardashian në realizimin e një sesioni fotografik. Pothuajse nuk e pranova të punoja për Kim, pasi punoja për Fox duke realizuar disa make-up shtesë në fundjavë për të fituar disa dollarë më shumë. E takova Kim dhe fillova të punoj shpesh me të. Ideja e një ylli të reality shoë ishte e re në atë kohë. Unë kisha një agjent që më paralajmëroi të ndaloja së bashkëpunuari me Kimin menjëherë. Ai më tha se nëse do të vazhdoja kështu do të shkatërroja gjithçka dhe karriera ime do të përfundonte brenda apo maksimumi dy vitesh. Më thanë që e gjithë puna dhe përpjekjet e mia do të shkonin dëm. Unë refuzova. Vendosa të vazhdoj bashkëpunimin me Kim sepse ma ndjente zemra që çdo gjë ishte në rregull. Shpesh më thoshin: “Paç fat Mario, sepse vështirë se do të arrish të realizosh një kopertinë Vogue,”- rrëfen Mario pas 10 vitesh.
Më pas ai ka postuar një sërë kopertinash të Vogue ku Kim Kardashian ka qenë në faqe të pare.
Sigurisht ndihet mjaft krenar për punën që ka bërë.
(F.M/Faxweb)
