Gjatë ditës së djeshme OFL i dërgoin formularin për deklarimin e pasurisë Mario Meshini, i cili është një prej të dyshuarve për vrasjen e Devi Kasmit, ndodhur rreth dy vite më parë në Tiranë.
Në një reagim për Faxweb.al, avokati i Meshinit Ulian Bajrami, shprehet se kërkesa për deklarimin e pasurisë së klientit të tij është në shkelje me vetë ligjin special.
Sipas Bajramit, Meshini është i dyshuar vetëm për veprën e moskallëzimit të krimit, e cila nuk është pjesë e ligjit special, ndërkohë që shton se i është shkelur në mënyrë flagrante prezumimi i pafajësisë.
Reagimi i plotë i avokatit: Marr shkas nga publikimi ne media diten e djeshme i kerkeses per deklarim te pasurise si subjekte te OFL-se.
Jam Ulian Barjami, avokati i shtetasit Mario Meshini. Me duhet te bej nje publikim per kete shtetas ne lidhje me lajmin e publikuar diten e djeshme, pasi ka nje shtremberim nga njoftimi i OFL-se.
Nuk jemi subjek i Aktit Normativ Nr 1, date 31.01.2020, referuar nenit 18/1 e per me teper nenit 5 e 16. I mbrojturi prej meje eshte akuzuar dhe gjykuar per vepren penale “Maskallezim te Krimit”, parashikuar nga neni 300/1 i kodit penal. Eshte tjeter gje te akuzohesh dhe tjeter gje te denohesh.
Pra, pervec aktit normativ eshte shkelur ne menyre flagrante parimi i prezumimit te pafajsise. OFL-ja nuk njeh kufij, por merret edhe me veprat e moskallezimit te krimit. Me kete logjike, kushdo qe ka pasur nje proces gjyqesor, edhe per kundravajtje penale apo vepra te lehta penale, mund te jete subjekt i OFL-se. Pra, akti normativ nuk paska nevoje per dispozita. Cilesimi juridik i vepres penale eshte ndryshuar nga prokuroria dhe eshte miratuar nga gjykata. Pra, i dyti qe sfidon OFL-ne dhe refuzon deklarimin.
(E.K/Faxweb.al)
Discussion about this post