Akademiku dhe pedagogu i njohur Mark Marku do t’i bashkohet “Çadrës së Lirisë” përballë kryeministrisë, ku po zhvillohet protesta e opozitës.
“Shuplaka” mëson se Marku do të jetë i shoqëruar edhe nga studiuesi Agron Gjekmarkaj dhe vizita do të kryhet rreth orës 18:00.
Kujtojmë se Mark Marku ka qenë deputet i Partisë Demokratike për qarkun e Lezhës, por në zgjedhjet e 2013-ës, ai hoqi dorë nga politika dhe iu rikthye botës së medias dhe asaj akademike.
Marku është shprehur edhe më parë mbështetës ndaj protestës së opozitës, por vetëm sot ka marrë një hap të tillë që të bëhet pjesë e saj.
Vetëm shtatë ditë më parë, i ftuar në “Opinion”, Marku tha se vendi është në një situatë që po zien nga pakënaqësia dhe një nga akuzat që i bëheshin opozitës ishte se pse nuk përfaqëson zërat qytetarë. Por sipas tij, sot Basha po e bën këtë.
“Unë mendoj se Lulzim Basha e bërë këtë dhe protesta ka qenë një nga më të mëdhatë që ka pasur Shqipëria nga ’92 e këtej”, tha Marku. (D.D/Shuplaka)
Discussion about this post