Mediat e reja kanë thyer rutinën e puplikut, për marrjen e informacioneve në krahasim nga mediat tradicionale si televizioni apo gazetat. Të gjithë tani mund t’i ndjekin lajmet në kohën që duan, pa u kufizuar nga hapësira kohore e televizionit, ose edhe në kohë reale, duke qenë se një nga kriteret më të rëndësishme është shpejtësia.
Por sipas profesorit të njohur të gazetarisë, Mark Marku, mediat e reja sot veprojnë në një treg të parregulluar. Fillimisht, kreu i Departamentit të Gazetarisë në Universitetin e Tiranës, bën dallimin se ka media tradicionale serioze dhe joserioze, ashtu edhe media online serioze dhe joserioze.
“Ka media serioze tradicionale dhe joserioze tradicionale, ka media serioze të reja dhe joserioze. Nuk përjashtoj faktin se për shkak se janë media të reja, janë joserioze. Por për shkak të procedurës. Sepse ka një procedurë prej momentit që ti e merr lajmin. Nga pikëpamja kohore media online e ka më të shkurtër sesa televizioni dhe aq më tepër gazeta. Për këtë arsye, lajmi nuk mund të kalojë një procedurë verifikimi siç e kanë mediat tradicionale. “, është shprehur profesor Marku.
Mirëpo sipas tij, mediat e reja sot jetojnë në një treg të parregulluar. Profesor Marku e argumenton këtë me procedurën e marrjes dhe verifikimit të lajmit, por edhe me mënyrën e krijimit të një medieje të re, nga fillimi.
“Ka ndryshuar natyra e lajmit, do të duhet të mendojmë se çfarë është lajm. Ata që merren me mediat online e kanë kuptuar. Ka ndryshuar redaksia, profesioni i gazetarit, natyra e lajmit dhe thelbi i lajmit. Problemi është se jemi në një fazë kaotike, për të dhënë shërbime të specializuara. Domethënë, Beratin most a konkurrojë askush që hapet brenda tre ditëve dhe prodhon 10 lajme për të tërhequr vëmendjen dhe për t’i marrë klikimet. Në televizion nuk mund të bëhet kjo. Që të hapet një tv duhet të ketë një kapital të akumuluar, duhet të bëjë investime. Në këtë kuptim mediat online janë në një treg të parregulluar, abuziv.”, janë fjalët e Markut. (D.D/Shuplaka)
Discussion about this post