Nga Basir Çollaku
Po znj Marku, a ka dijeni për përgjime ku dalin në biseda me një subjekt ministrat Arben Ahmetaj dhe Damian Gjiknuri.?!?! Nga prokuroria e Elbasanit ku thuhet se vijon hetimi ka pasur një rrokadë drejtuesish.
Eshtë larguar nga komandimi, ose saktësisht detyra e caktuar përkohësisht, Dritan Gina, i vënë në shënjestër si i mbështetur nga ish-Prokurori i Përgjithshëm Adriatik Llalla. Në vend të tij është komanduar Ardian Nezha i mbështetur nga Prokurorja e Përgjithshme e Përkoheshme Arta Marku.
Pra nëse shkurtojmë hamendjet, Adriatik Llalla, Arta Marku, Dritan Gina dhe Ardian Nezha, janë së paku katër prokurore që kanë dijeni dhe për shkak të detyres kane dhene ose do te japin porosi hetimore. Gjyqtari pjese e shqyrtimit te disa akteve eshte B. M.
Ndjeshmëria e kësaj ngjarje ku implikohen jo rastesisht dy ministra te rendesishem te qeverise ka nje zero ttansparence. Zonja Marku dhe vartesit e saj munden te heshtin deri me tani, per shkak te sekretit hetimor.
Por ka episode te cilat e kanë kaluar kete prag, ndaj mund dhe duhet te thuhen nga drejtuesja e re e Prokurorise. Zonja Marku ka prodhuar shume ngjarje ne pak kohe ne krye te akuzes. Kjo dosje e re ne Elbasan meriton nje vemendje publike dhe pergjigje reale konkrete. Pergjigjet e ministrit Gjiknuri ndaj oyetjeve te deputetit Shehaj, qe artikuloi emrat e dy ministrave ishte perfjigje politike.
Ministri pranoi se ka hetim por nuk ishte i sigurte se çfare ka mbetur ne dosje dhe a jane flete ku del emri i tij. Per te rreshkitur pak, pranoi njohjen ne shume biznesmene…Pra duhet reagim i shpejte i Prokurorise.
Perse?
Une si gazetar ku dyshimi eshte thelb i profesionit, kam te drejte te pyes. A munden Prokuroret dhe Gjyqtaret te bejne qoka e te kalojne vettingun si dhurate nga qeveria?!
A munden ata bashkerisht te heqin kete siklet e te harrojne nga dosja transkripte pergjimesh? Sepse pergjime ka..!
A mundet Prokuroria te mbylle pa zhurme kete çeshtje te sapokrisur duke mos i hapur dhimbje qeverise kontrolluese te drejtesise ?
A po e ze pesha e dosjes “Tahiri” prokurorine e cila sa sheh peshq iken atje ku i thote peshku, se paku deri me tani?
A mundet te kaloje rradhen Prokuroria e Elbasanit vetem me drejtoret e rrugeve dhe jo rruget nga kane rrjedhur parate?!
Kjo çeshtje nuk eshte politike, pesha e ministrave te permendur rrezikon ta manipuloje nga ora ne ore. Prokuroria duhet te flase zyrtarisht per kete procedim te regjistruar ne gusht te vitit 2017 per nje subjekt, me akuzen pastrim i produkteve te vepres penale. Sigurisht edhe nese nje dore e kujdesshme perpiqet te zhduke pergjimet nje dore e pakujdesshme ka nje kopje. Pastaj ka mjaft mjete hetimore qe te çojne tek e verteta…Sigurisht kjo eshte dosje ku qeveria mbetet ne gjunje dhe veshtire te çohet ne kembe..
Discussion about this post