Ardian Nezha Drejtuesi i Prokurorisë së Elbasanit i ka paraqitur dorëheqjen Prokurores së Përgjithshme të Përkohshme Arta Markut.
Fax News raporton se Nezha i ka paraqitur si pretekst arsyet shëndetësore në kërkesën e bërë prej tij. Nezha e ka konfirmuar edhe vetë kërkesën e tij.
Ardian Nezha ishte prokurori që zëvendësoi Dritan Ginën në postin e kryeprokurorit të Elbasanit. Nezha u emërua nga kryeprokurorja Arta Marku e cila largoi nga drejtimi Dritan Ginen, madje ky i fundit nuk pranonte të largohej nga zyra, pasi vendimin e shkarkimit të tij e quajti antiligjor.
Sapo mori detyrën kreu i prokurorisë së Elbasanit Ardian Nezha pati identifikuar mbi 40 dosje të cilat do të rihapeshin. Mësohet se dosjet që do të rihapeshin lidhen me pastrimin e parave, vrasje, krimet ndaj pronës dhe korrupsionit.
(M.Q/Faxweb)
