Kryeprokurorja e Përgjithshme, Arta Marku ka qenë sot në Prokurorinë e Elbasanit.
Marku ka marrë pjesë në përurimin e godinës së re të prokurorisë së Elbasanit, e cila është pajisur me teknologji dhe siguri të lartë.
Gjatë fjalës së saj kryeprokurorja ka dhënë një mesazh të fortë ku është shprehur se duhet të hetohen me efikasitet i së shkuarës së personave me precedentë penalë.
“Pavarësia e prokurorit nuk do të thotë pavarësi nga ligji. Duhet të hetohen në një mënyrë më efikase e shkuara dhe e tashmja e personave me precedentë kriminale me pasuri te dukshme ardhur në mënyre të paligjshme.
Elbasani rezulton pikë e nxehte e grupeve kriminale tashme te sofistikuar, moderuar dhe prezente ne jetën publike te qytetit duke investuar ne tregun privat dhe punet publike.
Prokuroret në bashkëpunim me policinë e shtetit duhet të bëjnë analiza të përbashkëta në lidhje me çështjet e pezulluara, të identifikojnë pikat e dobëta të tyre, veprimet që mund të çojnë në identifikimin e autoreve dhe të rifillojnë hetimet duke shtuar kapacitetet profesionale në funksion të zbulimit dhe ndëshkimit të autoreve”, ka thënë Arta Marku.
(E.K/FAXWEB)
Discussion about this post