Ish-kryeministri Berisha, i ftuar në emisionin “360 gradë.al”, ndërsa është pyetur për marrëdhëniet me Greqinë është shprehur se qeveria e tij nuk ishte dakord për varreza të ushtarëve grekë në Korçë dhe deklaroi se qeveria gënjen kur thotë se ka qenë vendim i qeverisë Berisha dhe se nuk kishin nga t’ja mbanin.
Berisha tha gjithashtu se ai ka përmendur gjithmonë çështjen Çame në takime me kryeministrat grekë, ndërsa shtoi se tani Rama e ka zhdukur çështjen Çame.
“Është një gënjeshtër, marrëveshjen e ka nënshkruar qeveria para nesh me ambasadorin Bashkim Zeneli ku zotohej për tre varreza. Qëndrimi ynë ishte për dy varreza dhe kontroll rigoroz se dilte prifti dhe shiste eshtra, dhe unë bisadova me qeverinë greke dhe i thashë se kjo ishte diskretituese. Ne nuk kemi qernë dakord për të ndërtuar varrezë në Korçë.
Në çdo takim në mënyrë absolute Sali Berisha ka ngritur cështjen Çame, e ka ngritur aq sa më tha Simitis se ky problem nuk ekziston ia transmetova Gerard Shrëderit në Tiranë. Tani nuk ekziston cështja Came.
Në rajon je I detyruar të ruash disa ekuilibra. Më e keqja se ato përdorin gjerësisht termin Vorio Epir dhe kjo është e keqja por nëse flasim për Vorio Epir, hajde flasim për Epir, por nuk shkon kështu. Tani është zhdukur çështja came, këta e zhdukën”, tha Berisha. (B.H/Faxweb)
