Kancelarja gjermane Angela Merkel ka shprehur shqetësimin për përkeqësimin e marrëdhënieve mes Bashkimit Europian dhe Turqisë.
Ajo u shpreh së fundmi se marrëdhëniet e Turqisë me BE-në janë goditur rëndë nga veprimet e kryera nga qeveria e Erdoganit.
“Zhvillimet gjatë javëve të fundit kanë goditur rëndë lidhjet gjermano-turke, si dhe marrëdhëniet euro-turke,” i tha ajo parlamentit, duke thënë në veçanti se arrestimi dhe trajtimi i korrespondentit të gazetës gjermane Deniz Yucel ishte “i papajtueshëm me një shtet kushtetues”.
Ajo ngriti shqetësimin se një referendum i 16 prillit për zgjerimin e kompetencave të Erdoganit nuk u mbajt nën kushte të drejta. Duke paralajmëruar Turqinë të respektojë të drejtat civile në përputhje me një shtet kushtetues, Merkel tha se nuk ishte “as në të Europës dhe as në interesin e Turqisë” për asnjërën anë të largohej nga tjetra.
“Do të punojmë drejt kthimit në dialog,” deklaroi ajo.
(XH.A/SHUPLAKA)
