“Marrëveshja dëmton biznesin tonë”, kompanitë funerale nesër në protestë

Është paralajmëruar protestë nga kompanitë funerale në Prishtinë kundër Bashkësisë Islame të Kosovës (BIK).

Përmes një njoftimi nga përfaqësues të këtyre kompanive thuhet se protesta do të mbahet nesër me fillim prej orës 13:00, raportojnë mediat kosovare.

“Ju njoftojë se nesër, më 29.08.2019 do të protestojmë duke filluar nga ora : 13:00. Protesta do të zhvillohet me automjetet funerale para komunës së Prishtinës, Bashkësisë Islame (BIK) dhe Ministrisë së Tregtisë dhe Industrisë (MTI) në Prishtinë si pasoj e marrëveshje jo-ligjore te realizuara ne mes te BIK-Komuna-MTI duke dëmtuar komunitetin tone te biznesit”, ka njoftuar Blerim Nreci përfaqësues i kompanive funerale të Prishtinës.