Kryeministri Edi Rama gjatë një komunikimi me qytetarët në rubrikën e tij në facebook “Përgjigja ime”, duke ju përgjigjur një komentueseje e cila thoshte se, nuk kishte votuar kurrë për PS-në por që ishte kundër deklaratës së kreut Demokrat Lulzim Bashës për emisionin Italian “Porta a Porta”.
Sipas saj, gjuha e Bashës ishte e papranueshme dhe kjo sipas saj, ka krijuar tek ajo bindjen për të mos votuar për PS-në për sa kohë Basha është kryetari i saj.
Nderkohë, Rama përgjigjet se në marrëveshjen e 17 majit i ka kërkuar Bashës 2 gjëra: Të pranojë rezultatin e zgjedhjeve dhe të mos e shajë vendin në gjuhë të huaj.
“Asnjë fjalë me të huajt për konfliktet e brendshme. Shtëpia nuk është skemë për të shfaqur në sytë e tërë lagjes. Bota s’ka as ngenë dhe as përgjegjësinë për punët që s’na shkojnë mirë.
Hapja e kapakut dhe barkut u shkon përshtat atyre që s’ja duan të mirën Shqipërinë. Intervistat e paguara si ajo e Luzlim Bashës veçse e bëjnë qesharak dhe e bëjnë të duket Shqipëria si një shtëpi fshati që ke frikë ti afrohesh se ka një qen. Kur nënshkruam marrëveshjen me Bashën i dhashë çdo gjë dhe i kërkova vetëm dy gjëra, që nuk kontestohet rezultati dhe nuk flitë keq për vendin në gjuhë të huaj. Por këto avulluan”, deklaroi Rama.
Sipas tij, shumica e njerëzve nuk e duan ziftosjen që i bëhet vendit në gjuhë të huaj.
Rama argumentoi edhe arsyet që sipas tij e shtyjnë opozitën drejt sjelljeve të tilla duke thënë: “Janë humbasa pa pikë dinjitet, të gatshëm ti lënë Shqipërisë faturën për dështimin e tyre.
Një tjetër humbje e thellë dhe e pastër po afron për PD dhe simotrën e saj LSI. Po të mos ishte LSI nuk do të kishte shitblerje të serioze të votës në Shqipëri. E dinë të gjithë dhe luanët dhe bibat në Tiranë. Akuzojnë e shajnë me libër shtëpi, por harrojnë atë që kanë harruar gjithnjë, që shqiptarët nuk janë budallenj, dhe kush i ka marrë për të tillë e kanë pësuar keq.
Kryeministri u shpreh i ashpër për mënyrën që sipas tij po proteston opozita, duke thënë se se dhuna nuk ndryshon dot as qeverinë as shumicën në Kuvend, duke argumentuar se ajo prish imayhin e vendit dhe ekonominë e tij.
“Akuzave të sharjes i janë shtuar kërcënimet, po dhuna nuk e ndryshon dot as qeverinë as shumicën në Kuvend, madje i forcon sepse i jep të drejtë mbase dhe aty ku nuk kanë.
Po dhuna dëmton imazhin dhe ekonominë vendit. Taksat e qytetarëve të Shkodrës, Kavajës etj.. janë bërë kryesisht rroga dhe me ta paguhen turistët e rrugës së opozitës. Mua më vjen keq kur të huajt pyesin se si ka mundësi që opozita e nënçmon vendin kur dëgjojnë Bashën që thotë “il problemo il problemo”. Çdo shqiptarë që nuk e do këtë qeveri duhet të di se kur bashkohet me turizmin rrugorë të opozitës nuk i bën mirë, por i bën keq Shqipërisë”, thekson Rama.
(F.GJ/FAXWEB.AL)
Discussion about this post