Prej disa ditsh tashmë koalicioni qeverisës është pak të thuash që është përçarë. Akuza dhe kundërakuza mes palevë, raste dhune në fushatë dhe nga ana tjetër krijohet ideja se pas zgjedhjeve askush nuk mund të gjejë dot gjuhën e përbashkët për të bërë koalicione.
Po nëse për shumicën e njerëzve krisja e marrëdhënies mes PS-LSI ka nisur pas marrëveshjes Rama-Basha, kryeministri Rama nuk ndan të njëjtin mendim.
Në një takim që ai ka patur me të rinjtë e FRESSH-it është shprehur se krisja e raportit mes PS-LSI ka nisur që me çështjen e Reformës në Drejtësi.
“Sistemi ynë politik është i ngritur prej vitesh mbi një marrëveshje të heshtur por që ka dalë haptas prej vitesh mes politikanëve që zgjedhin gjykatësit dhe gjykatës që mbyllin çështjet e politikanëve dhe prandaj politikanët nuk kanë qenë kurrë të gatshëm t’i hyjnë reformës në drejtësi, sepse është si të hysh dhe të sharrosh degën ku rri. Ne i hymë dhe e bëmë. Dhe aty filloi krisja e koalicionit”, është shprehur Rama para të rinjve.
Po pavarësisht kësaj duhet thënë se Reforma në Drejtësi ka kohë që është shtruar në tryezën e diskutimeve dhe nëse kjo do të ishte arsyeja e krisjes mes PS-LSI atëherë qeveria do të kishte rënë me kohë. (E.K/SHUPLAKA)
