Marrëveshja me Frontex/ Rama mesazh BE-së: Përmbushëm rolin tonë me ambicien për të qenë anëtarë

Duke e konsideuar marrëveshjen e Shqipërisë me Frontex si historike, kryeministri Edi Rama deklaroi se “jemi të vetëdijshëm se duhet të japim kontributin tonë kundër emigrimit të paligjshëm të emigrantëve që vijnë nga lindja drejt BE-së, por që duhet të bëjmë maksimumin tonë”.

Rama tha se nga misioni i Frontex në vend e vendos Shqipërinë përballë disa kontributeve por edhe përfitimeve.

“Përfitimet janë disa, marrëveshja i hap rrugë për shkëmbime informacioni, analizës së rriskut dhe përballimit të flukseve migratore nga vende të treta. Shqipëria është përballur me një rritje të fluskeve të migracionit 6.7 herë më shumë në 2018 krahasuar me 2017 dhe 26.5 % më shumë janar prill krahasuar me një vit më parë. Ne nuk jemi një vend ku ata që vijnë shihen si rrezik apo problem për arsye të traditës. Por jo shumë larg në kohë ka strehuar gjysmë milioni refugjatë lufte, pa i kërkuar askujtë asgjë.” tha kryeministri .

Rama përsëriti se kjo marrëveshje është e para që Frontex bën me një shtet ballkanik dhe si e tillë sipas tij duhet të ndjehemi krenar. Kryemministri falenderoi edhe Komisionerin e Europian për çështjet e emigracionit,  Dimitris Avramopoulos pa të cilin sipas tij nuk do të ishte arritur një marrëveshje e tillë.

Ai shprehu qëndrimin e Shqipërisë se është e vendosur për integrimin e saj në Bashkimin Europian dhe duke lënë të kuptohet se kjo marrëveshje është një tjetër garanci pë hapjen e negociatve me BE-në Rama tha: “Prania e të gjithëve ju në Tiranë është shumë domethënëse si tregues i vëmendjes dhe i mbështejes së BE ndaj Shqipërisë në kuadër të përmbushjes së rolit tonë si një vend kandidat i bashkimit Europian me ambicien për të qenë anëtarë. Nisja e zbatimit të këtij projekti, është një marrëveshje që e bën Shqipërinë vendin e parë në Ballkan që do të monitorojë gjithë perimetrin e saj të jashtëm, dhe kjo përbën një arsye për të qenë të vetëdijshëm se sa e rëndësishme është të kesh kujdes. Ky bashkëpunim i thelluar në mbrotjen e kufijve europiane Shqipëria kthehet në një kontributor të vërtetë”, tha Rama,