Presidenti i Republikës Ilir Meta i ka dhënë autorizimin ministrit të Jashtëm Ditmir Bushati për negociatat me Greqinë për kufirin detar.
Në njoftimin e shpërndarë për mediat, presidenti Meta i kërkon MEPJ-s si dhe institucioneve të përfshira në negociata, që të përmbushin përgjegjësitë e tyre në respekt të Kushtetutës, në interes të ruajtjes dhe ushtrimit të sovranitetit territorial dhe juridiksionit kombëtar dhe të garantimit të sigurisë, dobisë ekonomike e sociale të vendit.
“Për marrëveshjet ndërkombëtare në Republikën e Shqipërisë”, në vijim të kërkesës të Ministrisë për Evropën dhe Punët e Jashtme autorizoi sot Ministrin për Evropën dhe Punët e Jashtme, z.Ditmir Bushati, të lëshojë Plotfuqinë për Grupin Negociator të Republikës së Shqipërisë për negocimin e “Projekt marrëveshjes ndërmjet Republikës së Shqipërisë dhe Republikës së Greqisë përkufizimin e zonave të tyre detare”.
Presidenti i Republikës, Ilir Meta u kërkon Ministrisë për Evropën dhe Punët e Jashtme, institucioneve shtetërore shqiptare, të përfshira në këto negociata dhe Grupit Negociator, të përmbushin përgjegjësitë e tyre në respekt të Kushtetutës së Republikës së Shqipërisë, të Gjykatës Kushtetuese, akteve ndërkombëtare ku Republika e Shqipërisë është palë, kuadrit të brendshëm ligjor, në interes të ruajtjes dhe ushtrimit të sovranitetit territorial dhe juridiksionit kombëtar dhe të garantimit të sigurisë, dobisë ekonomike e sociale të vendit.
(M.Q/Faxweb)
