I ftuar në ‘Fax News’ politologu Koço Danaj thotë se marrëveshja e nënshkruar për emërin e Maqedonisë është e gabuar dhe se në një të ardhme të afërt pasi Cipras dhe Zaev të bien nga pushteti do të anulohet.
Ai tha se Europa kishte si synim që të shpërqëndronte vëmendjen nga problemet që ka për momentin dhe përdor Ballkanin për këtë.
“Mënyra se si u rrokullisen ngjarjet deri te ajo marrëveshje, jetëshkurtër, edhe vendi që u gjet që quhet në shqip peshkatari është shumë domethënës, më shumë të ngjante me një thjeshtë ritual se sa me firmosjen e një marrëveshje për një problem vërtetë të rëndësishëm.
U bë për shkak të presionit, zgjidheni se s’kemi kohë të merremi me ju. Cipras është humbës në Greqi. 14% është në Greqi. Në këto kushte i duhet një gjë për të shpëtuar.
Kush është Maqedonia jugore, është Bullgaria, jugore është Greqia, Perëndimorja është Shqipëria?
Përpjekje e mjerë, e pasuksseshme, të kujton marrëveshjen Tito-Stalin që synonte ta çonte Jugosllavinë deri në Selanik, por pasi u prishën Maqedonia mbeti.
Po nesër kur të fitoi Micotaqis do ta anullojë, e njëjta gjë mund të ndodhë edhe në Maqedoni.
Tetova, por Kërçova po Gostivari ku janë tani. Shqiptarëve do tu mohohen më shumë të drejtat, partitë të shqiptarëve u intereson më shumë pushteti. Zaev do të rrëzohet shumë shpejt”, tha ai.
Danaj argumentoi se Europa nuk ka nxjerrë mësime nga Ballkani i cili edhe pse vetëm me 22 milionë njerëz ka një peshë shumë të madhe në aspektin e sigurisë.
“Brukseli akoma nuk ka nxjerrë mësime nga e kaluara se çfarë mund ti bëjë Ballkani, nuk ka shumë peshë se 22 milionë është por ka shumë peshë në aspektin e sigurisë.
Sa kohë që shqiptarët dhe trojet shqiptare do të mbeten jashtë në shtete të ndryshme të tyre aq kohë do të ketë nga këto turbulence”, u shpreh Danaj. (B.H/Faxweb)
Discussion about this post