Për Henri Çilin marrëveshja Rama-Basha është një fillimi i një kulture të re politike. Duhet thënë se kjo marrëveshje nuk është e zakonshme për terrenin politik shqiptar.
Këtë deklaratë, Çili e bëri mbrëmë në “Opinion”, ndërsa shtoi se kjo marrëveshje afirmon një gjeneratë të re politike, e cila është kompromisi i dytë më i rëndësishëm, pas marrëveshjes Nano-Berisha në vitin 2002.
Mirëpo, ai theksoi se kjo marrëveshje është një levizje që përqëndron pushtetin në duart e dy partive të mëdha. Më tej, Çili tha se askush nuk duhet të ketë turp ta shprehë se kjo është një marrëveshje për të ritheksuar mbipartitizmin në Shqipëri.
Sipas tij, ky është sistemi i fundit elektoral kështu siç është pasi do ketë zhvillime të tjera që do shkojnë drejt mbipartitizmit.
‘’Ka ndikuar dhe pozicionimi i ri ndërkombëtar i Shqipërisë, është një kulturë e re që vjen në vendin tonë. Kultura e re evolon përmes këtyre marrëveshjeve dhe jo përmes evolucioneve’’, u shpreh Çili. (E.K/SHUPLAKA)
