Marrëveshja mes kryeministrit Edi Rama dhe kreut të opozitës Lulzim Basha për zgjedhjet është bërë publike sot pasdite, por në të thuhet se një ndër 6 ministritë që do i jepen opozitës është edhe Ministria e Drejtësisë e drejtuar nga kreu i LSI-së Petrit Vasili.
Vasili nuk ka shumë kohë që drejton këtë dikaster, pasi vetëm në fillim të muajit shkurt bëri betimin. Duket sikur ky konflikt mes Ramës dhe Bashës e ka goditur rëndë LSI-në duke larguar nga drejtimi i Ministrisë kreun e kësaj partie.
Kujtojmë se LSI drejtohej më parë nga Ilir Meta, i cili u detyrua të hiqte dorë nga LSI për të marrë postin e Presidentit të Republikës së Shqipërisë, në një moment kur zgjehdja e tij dukej si rruga e vetme për të mos çuar vendin në destabilitet. Kështu LSI, ka sakrifikuar dy herë liderët e saj, për të kënaqur PS-në dhe PD-në. (D.D/Shuplaka)
