Kryeministri Rama do të takohet me atë grek Aleksis Tsipras në Londër ditën e martë ku pritet të nënshkruajnë finalizimin e marrëveshjeve të arritura mes Shqipërisë dhe Greqisë.
Lajmin e kanë dhënë mediat greke të cilat shkruajnë se dy kryeministrat do të takohen ditën e martë në Londër në kuadër të procesit të Berlinit, ku do të marrin pjesë vende të Ballkanit Perëndimor dhe vendet kryesore evropiane.
Mediat greke shkruajnë se ata do të kenë në fokus të bisedës negociatat dhe finalizimin e një marrëveshjeje për kufirin detar.
Por në Athinë, reagimet ndaj marrëveshjes së qeverisë Cipras me Maqedoninë për çështjen e emrit kanë qenë të ashpra nga opozita dhe faktorë të tjerë që e kanë quajtur tradhti kombëtare dhe kjo ka ndikuar duke e vendosur Athinën zyrtare në një pozicion jot ë mirë për bisedimet me Shqipërinë. (B.H/Faxweb)
Discussion about this post