Marrin mandatin 2 deputetë të PD, një tjetër kandidat i LSI dorëzon formularin

KQZ u ka dhënë mandatin ditën e sotme Ligoraq Karamelos dhe Alban Zenelit.

Ligoraq Karamelos ka marrë mandatin e deputetit të Ervin Salianjit në qarkun e Korçës kurse Alban Zeneli ka marrë mandatin e Flamur Nokës në qarkun e Kukësit. Të dy kandidatët që morën sot mandatin janë  të  PD.

Gjithashtu  Ralf Gjoni, kandidati i LSI, ka dorëzuar po sot  formularin e dekriminalizimit duke pranuar kësisoj mandatin e deputetit.

KQZ deri tani ka dhënë 11 mandate nga kandidatë për deputet  të PD-së dhe LSI-së. Deri tani në listat e KQZ figurojnë:

Kandidatë të LSI-së

Ylli Shehu

Aurora Mara

Enver Roshi

Edmond Rrushi

Kandidatë të PD-së

Lefter Maliqi

Majlinda Halili

Ndërkohë që nga LSI-ja pritet të bëjnë betimin dhe të hyjnë në Kuvend tre zonja:

Elda Hoti

Edlira Hyseni

Ediola Braho

KQZ ka njoftuar edhe 14 kandidatë të tjerë në listë të opozitës.

Nuk pranuan të dorëzonin mandati Lefter Koka, Myslim Murrizi dhe Rudina Hajdari.