Marshi i grave që u zhvillua më 21 janar, një ditë pas inaugurimit të Donald Trump si President të SHBA-ve, ka mbledhur qindra mijëra njerëz nga e gjithë bota.
Ky marsh cilësohet nga mediat amerikane si protesta më e madhe e mbajtur ndaj inaugurimit të një presidenti në të gjithë historinë e Shteteve të Bashkuara të Amerikës.
Demostrueseve në Amerikë iu bashkuan qindra të tjera nga vende të ndryshme të botës, kryesisht nga Europa, të gjitha me një mesazh: Mbrojtjen e të Drejtave të Grave në këtë klimë të trazuar politike.
Organizatorët e marshit të grave në Washington u shprehën se demonstrata në rrugë u planifikua një ditë pas inaugurimit të Donald Trump si një përgjigje e drejtpërdrejtë për zgjedhjen e tij president, qëndrimet që ai ka mbajtur ndaj abortit, emigracionit, ndryshimet klimatike, kujdesit shëndetësor. Çështje që kanë shqetësuar shumë prej atyre që morrën pjesë në protestë.
“Kur mora avionin dje për të ardhur këtu, mendoja se do të isha e vetme.”, është shprehur njëra prej protestueseve.
Me Marshin e Grave në Ëashington, ku morrën pjesë edhe yje të Hollywood-it, iu bashkuan përveçse dhjetëra shtete amerikane, edhe shtete të Europës, si: Anglia, Gjermania dhe Franca. Protesta u zhvilluan përkatësisht në Londër, Berlin dhe Paris. (XH.A/SHUPLAKA)
[ngg_images source=”galleries” container_ids=”891″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
