Tashmë të gjithë jemi mësuar me muzikën e tij, ku zakonisht vokali i tij i pakrahasueshëm pa dyshimin më të vogël nuk bën gjë tjetër veçse sjell hitin e rradhës. Mirëpo, super ylli botëror në ndryshim nga herët e tjera sot na vjen me një lajm rozë.
Bëhet fjalë për yllin e superhiteve botërore si “Human” dhe “Giand”, Rag’n’Bone Man i cili është martuar.
Në fakt, dasma e këngëtarit me të fejuarën e tij Beth Rouy është zhvilluar ditën e djeshme, ndërkohë që ajo që ka bërë shumë përshtypje ka qenë mënyra se si dita e tyre më e lumtur është organizuar.
Mesa duket formalitetet janë lënë jashtë kësaj ceremonie të ëmbël, ku ndryshe nga çe do zakoni nusja dhe dhëndri të shoqëruar nga thjeshtësia që i karakterizon kanë vendosur të lënë mënjan fustanin e bardhë dhe kostumin dhe të paraqiten në ceremoni në mënyrën më sportive të mundshme.
Këngëtari i ‘Human’, emri i vërtetë i të cilit është Rory Graham, dukej shumë i gëzuar ndërsa mbante Beth në krahët e tij dhe e përqafonte.
Ata pozuan për fotot e dasmës në zyrën e gjendjes civile të Lewes në East Sussex.
Këngëtari i famshëm, i cili është në një lidhje me Beth prej 9 vitesh, nuk e shpallën kurrë publikisht fejesën e tyre, ndërsa janë prindër të një djali 20 muajsh të quajtur Reuben.
Discussion about this post