Ministria e Arsimit dhe Sportit ka rikonfirmuar mbylljen e çerdheve, kopshteve, shkollave, publike dhe jo publike për shkak të situatës së rënduar në vend.
“Njoftim! Bazuar në njoftimin e Ministrisë së Shëndetësisë për shkak të situatës së rënduar nga virusi i gripit në vend i cili vazhdon të jetë në rritje i favorizuar edhe nga kushtet e motit me temperatura shumë të ulëta, të cilat do të vazhdojnë edhe disa ditë, në bazë të nenit 7, pika 4 (masa të veçanta) të Ligjit 15/2016 (“Për parandalimin dhe luftimin e infeksioneve dhe sëmundjeve infektive”) sipas udhëzimeve kombëtare, të përgatitura nga Instituti i Shëndetit Publik, neni 26 i ligjit nr. 69/2012, Ministria e Arsimit dhe Sportit ka urdhëruar sot më datë 03.01.2017, mbylljen e çerdheve, kopshteve dhe shkollave të arsimit parauniversitar në datat 4, 5, 6, 7 Janar 2017.”, bën me dije Ministria e Arsimit.
Ky rikonfirmim për mbylljen e institucioneve arsimore vjen pas vendimit të Ministrisë së Shëndetësisë për mbylljen e tyre përgjatë datave 4, 5, 6, 7 janar.
“Me qëllim kufizimin e mëtejshëm të përhapjes së virusit të gripit në vend për të mbrojtur popullatën nga sëmundjet infektive që kanë impakt në shëndetin e saj, Ministria e Shëndetësisë, në bazë të nenit 7, pika 4 (masa të veçanta) të Ligjit 15/2016 (“Për parandalimin dhe luftimin e infeksioneve dhe sëmundjeve infektive”), sipas udhëzimeve kombëtare, të përgatitura nga Instituti i Shëndetit Publik, ka urdhëruar sot më datë 03.01.2017, mbylljen e çerdheve, kopshteve dhe shkollave të arsimit parauniversitar në datat 4, 5, 6, 7 Janar 2017.”, citohej në vendimin e Ministrisë së Shëndetësisë.
(XH.A/SHUPLAKA)
Discussion about this post