Të paktën shtatë civilë u vranë dhe 13 të tjerë u plagosën rëndë të enjten kur terroristët e PKK sulmuan një automjet që transportonte punonjësit e pyjeve në juglindje të Turqisë, tha guvernati lokal.
Në një deklaratë, Guvernatori i Dijarbakir-it tha se sulmi terrorist ndodhi në rrethin Kulp rreth orës 6 të mëngjesit me orën lokale.
Terroristët e PKK-së përdorën eksploziv të improvizuar për të sulmuar automjetin që transportonte fshatarët që shkonin drejt pyllit për të mbledhur dru, theksohej në deklaratë.
Të gjithë të plagosurit u dërguan në spitale për trajtim. Ndërkohë, Presidenti Rexhep Tajip Erdogan u lajmërua në lidhje me sulmin nga Guvernatori i Dijarbakirit, Hasan Basri Guzeloglu.
Erdogan tha se do të përdoren gjitha mjetet për të arrestuar autorët e sulmit terrorist të PKK që synojnë civilët.
Në fushatën e saj terroriste më shumë se 30-vjeçare kundër Turqisë, PKK – e rënditur si një organizatë terroriste nga Turqia, SH.B.A dhe BE – ka qenë përgjegjëse për vdekjen e rreth 40,000 njerëzve, përfshirë gra, fëmijë dhe foshnje.
(F.GJ/FAXWEB.AL)
