Gjykata e Rrethit të Beratit ka shpallur fajtor dhe dënon me burgim të përjetshem Luan Marrën për veprat penale: “vrasje në rrethana të tjera cilësuese” dhe “armëëmbajtje pa leje”.
Vendimi është dhënë mesditen e sotme nga kryesuesja e trupit gjykues Rudina Palloi.
Kujtojmë se Luan Marra është i njohur për masakrën e ndodhur rreth 12 vite më parë në fshatin Kozare.
Luan Marra u arrestua dhe u dënua me akuzën për vrasjen e vëllait të tij, Shpëtim Marës, si dhe ekzekutimin e kunatës Flories (e cila ishte shtatzënë në kohën kur ndodhi krimi). Luan Mara u akuzua se vrau edhe djalit 2- vjeçar të viktimave, Artiol Mara.
Dy herë me radhë, Luan Mara është dënuar me burg të përjetshëm, por në të dyja rastet Kushtetuesja e ka rikthyer çështjen për gjykim nga e para.
Ngjarja në fjalë ka tronditur jo pak opinionin publik në qytetin e Beratit dhe jo vetëm. Dyshimi mbi të cilin u bazua fajësia e tij kishte të bënte në lidhje me një marrëdhënie të mundshme mes tij dhe gruas së vëllait dhe se shtatzania e Flories ishte pasojë e kësaj marrëdhënieje.
Analiza e ADN-së së fetusit dhe e Artiolit të vogël vërteton se babai në të dy rastet është Shpëtim Marra dhe jo Luani. Madje familja Marra nuk ka dyshuar kurrë te ky i fundit për një arsye shumë të thjeshtë
‘’Ishim të gjithë në shtëpi dhe po shikonim televizor së bashku me Luanin në orën kur ka ndodhur vrasja. Luani nuk është autori i vrasjes dhe për këtë jemi të bindur. Autorët janë të tjerë dhe ata janë të lirë. Policia i di shumë mirë dhe i ka në dosje”, shprehet një i anëtar i familjes Marra kohë më parë për mediat.
(E.K/FAXWEB)
Discussion about this post