Ditën e sotme ka nisur seanca gjyqësore për Kujtim Koxhën, 51 vjeçarin që në 11 tetor të vitin 2018 shkaktoi një masakër të vërtetë në fshatin Shëlli të Matit, ku vrau dy punonjës të Bashkisë Mat dhe një bashkëfshatarin e tyre.
Seanca gjyqësore ndaj Koxhës po gjykohet nga dy gjyqtarë të gjykatës së Matit dhe 1 i Dibrës.
Burime nga organi i akuzës bënë të ditur se prokurori i çështjes do t’i kerkojë gjykatës dënimin maksimal, burgim të përjetshëm.
Kujtojmë se Kujtim Koxha me 11 Tetor të vitit të kaluar është konfliktuar me punonjësit e ndërmarrjes së shërbimeve të Bashkisë Mat të cilët po rikonstruktonin rrugët e fshatit Shëlli. Pas një konflikti verbal, mësohet se Koxha është larguar nga lokali i fshatit për tu rikthyer më pas me një armë automatik.
Koxha hyri në lokal ku puntorët po drekonin duke zbrazur një karikatore automatiku.
Si pasojë e të shtënave humbën jetën Erzen Aliaj dhe Mentor Hoxha, punëtorë të bashkisë, si dhe Hamit Buci, banor i fshatit Shëlli.
Discussion about this post