Nikola Cruz, i riu që vrau 17 persona në një shkollë në Florida, deklaroi përpara hetuesve amerikanë se ka qëlluar me armë zjarri për shkak të “demonëve”. Mësohet se i riu u ka thënë autoriteteve se ka “dëgjuar zëra në kokën e tij që e kanë udhëzuar për ta kryer masakrën deri në fund”.
Nikollas Kruz, 19-vjeçar, ka shtënë mbi nxënësit dhe mësuesit e gjimnazit, nga ku e kishin përjashtuar për shkak të sjelljeve të dhunshme. Ai thotë se mbërriti në kampus me anë të një taksie Uber me një çantë dhe qese të zezë në të cilën kishte futur shumë karikatorë. Më pas ka filluar të qëllojë. Pas masakrës, ai bragtisi municionet dhe armën gjysëmautomatike AR-15 dhe është larguar nga skena.
FBI ka lajmëruar se nuk ka ndjekur në kohë një paralajmërim të shkollës së Floridas se i dyshuari Nikolas Cruz mund të kryente një sulm me armë zjarri. Muajin e kaluar, një person i afërt me 19-vjeçarin kontaktoi me agjencinë e zbatimit të ligjit për të paralajmëruar “faktin se ai mund të kryente një sulm në shkollë” shkruan BBC. Por protokollet nuk janë ndjekur si duhet dhe FBI raporton se ky raportim nuk është marrë seriozisht.
(E.L/Faxweb.al)
Discussion about this post