Qyteti i Librazhdit është tronditur mbrëmjen e sotme nga një krim makabër në familje, ku një 53-vjeçar ka masakruar me thikë për vdekje gruan e tij.
Sipas informacionit të Policisë, bëhet fjalë për shtetasin me inicialet D. Gj., 53 vjeç i cili gjatë një konflikti për motive të dobëta ka goditur me mjet të mprehtë (thikë) bashkëshorten e tij L. Gj., 49 vjeçe.
Pas këtij akti, autori është hedhur nga kati i katër i apartamentit të tij, e për pasojë ka dërruar jetë edhe ai vetë.
Nga vendngjarja raportohet se gruaja është dërguar në spital ku pavarësisht përpjekjeve të mjekëve, nuk ka mundur të mbijetojë për shkak të plagëve të marra.
Forca të shumta policore si dhe ambulanca me staf mjekësor kanë mbërritur në vendngjarje, ndërsa mësohet se burri pas rënies nga kati i katërt i pallatit, ka ndërruar jetë në vend.
Ende nuk janë bërë të ditura shkaqet dhe rrethanat përfundimtare të këtij krimi të rëndë në familje, ku bilanci ka qenë vdekja e një çifti bashkëshortësh, ndërsa grupi hetimor po merret me grumbullimin e informacioneve për të hedhur më tepër dritë mbi ngjarjen.
Librazhd/ Informacion paraprak
Në lagjen “Shkumbin”, Librazhd, në banesë shtetasi D. Gj., 53 vjeç, gjatë një konflikti për motive të dobëta ka goditur me mjet të mprehtë (thikë) bashkëshorten e tij shtetasen L. Gj., 49 vjeçe, dhe me pas shtetasi D.Gj., është hedhur nga kati i katër i apartamentit të tij, për pasojë ka dërruar jetê.
Bashkëshortja e tij është transportuar menjëherë për në spital por si pasojë e plagëve të marra ka ndërruar jetë sapo ka mbrritur në spital.
Në vendngjarje ndodhet grupi hetimor dhe po punon për sqarimin e plotë të rrethanave të ngjarjes.
(F.GJ/FAXWEB.AL)
