Masat për sezonin turistik: Ndalohet qarkullimi i mjeteve të tonazhit të lartë në autostradën Tiranë-Durrës (Detajet)

Drejoria e Policisë Rrugore ka marrë masa që të ndalojë mjetet e tonazhit të lartë që të qarkullojnë në disa akse për shkak të sezonit turistik.

Sipas masave të reja bllokohet kalimi i mjeteve të tonazhit të rëndë  në autostradën Tiranë-Durrës dhe në disa akse të tjera.

Bllokimi do të ndodhë nga ora 06:00 deri në orën 22:00.

NJOFTIMI:

Për qëllim të mbarvajties së sezonit turistik Verë 2017, Drejtoria Vendore e Policisë Tiranë, në bashkëpunim me Drejtorinë Rrugore në Drejtorinë e Përgjithshme të Policisë së Shtetit, kanë marra masat:

Ndalimin e qarkullimit të mjeteve të tonazhit të lartë nga ora 06:00 deri në orën 22:00, në segmentet Rrugorë,

Autostrada Tiranë – Durrës

Vorë – Rinas

Mjetet e tonazhit të lartë mund të kalojnë në segmentet Rrugorë,

Tiranë – Ndroq – Durrës

Tiranë – Kamëz

Këto masa do të vazhdojnë deri në përfundim të sezonit turistik Verë 2017

Gjithë drejtuesit e automjeteve të bëjnë kujdes me respektimin e rregullave të përcaktuara në Kodin Rrugorë, duke mbajtur distancat e sigurisë midis mjeteve dhe respektimit të limiteve të shpejtësisë.

(B.H/Shuplaka)