‘Fax News’ ka siguruar dokumentet ku janë akuzuar dhe thirrur në Prokurorinë e Tiranës drejtorët e ekzekutiv tё Albautor, Erlir Puto dhe drejtori i A.K.D.I.E. “Agjensia e Administrimit Kolektiv e te Drejtave te Artisteve Interpretues/Ekzekutues) Naim Aliaj.
Të akuzuar penalisht nga kompani private dhe shoqata që merren me mbrojtjen e të drejtave të interpretuesve, Prokuroria e Tiranës ka filluar hetimin për shpërdorim të detyrës dhe abuzimet e rënda financiare. Për këtë arsye, janë thirrur dhe janë paraqitur në Prokurorinë e Tiranës drejtorët ekzekutivë.
Shoqata Kolektive për të drejtat e autorit (Albautor) është kallëzuar nga shtëpia diskografike ‘Albtrade Plus’ “Për kryerjen e veprave penale të vjedhjes së pasurisë duke shpërdoruar detyrën; mashtrimit; si dhe të veprës penale të shpërdorimit të kompetencave me qëllim përfitimi”.
Kallëzimi
Në kallëzimin e siguruar nga Fax News ‘Albtrade Plus’, e cila ushtron aktivitetin e saj tregtar në fushën e prodhimit të fonogrameve, videogrameve dhe tregtimin e tyre është titullar mbajtës i të drejtave ekskluzive të autorit “PUBLISHING” për repertorin muzikor të ‘Universal Music’ dhe ‘Aquarium Music Publishing’, nëpërmjet kontratës së lidhur me ‘Aquaris Publishing’ e cila është e vetmja shoqëri që ka të drejtat mbi këto vepra për territorin e Shqipërisë. Nga kjo kontratë Albatrade Plus gëzon të gjitha të drejtat ekskluzive të autorit për të administruar dhe mbledhur të ardhurat që vijnë si pasojë e shfrytëzimit, transmetimit komunikimit publik nga përdoruesit. Dhe çfarëdo lloj përdorimi të këtyre veprave.
Por në kallëzimin e siguruar në Fax News ‘Albatrade Plus’ thotë se ‘Agjensia Albautor’ ka mbledhur të ardhura nga përdoruesit mbi vepra të cilat janë objekt i kontratës së tyre dhe nuk u ka dhënë e asnjë informacion. AlbatradePlus pretendon se agjensia Albautor me drejtorin ekzekutiv Erlir Puto ndodhen në kushtet e vjdhjes dhe shpërdorimit të detyrës.
Erlir Puto
Sa i përket Kallëzimit për firmën “Agjensia e Administrimit Kolektiv te të Drejtave të Artistëve Interpretues/Ekzekutues) me drejtor Naim Halilaj, ‘Fax News’ ka siguruar dokumentin ku Organizata jo Fitmprurëse ELITA me përfaqësues të saj Artan Imamin, president i Shoqatës, ka kallëzuar A.K.D.I.E dhe Naim Aliaj për kryerjen e veprave penale të vjedhjes së pasurisë duke shpërdoruar detyrën, si dhe të veprës penale të shpërdorimit të Kompetencave me qëllim përfitimin.
Oraganizata jofitmiprurëse Elita, pretendon se zoti Aliaj nuk ka bërë asnjë trasparencë mbi të ardhurat e grumbulluara ndër vite duke mos dhënë asnjë informacion kundrejt interpretauesve, veprat e të cilëve janë përdorur.
Vjedhja e pasurisë intelektuale në Shqipëri është një ngjarje aq e zakontë, por kjo histori është po aq paradoksale sa dhe komike në të dyja rastet pasi të paditurit janë organizma të krijuara për mbrojtjen e të drejtave të autorit.
(B.H/Faweb)
