Gjykata e Tiranës caktoi masën e sigurisë “arrest me burg” për avokatin Myrteza Myftari. Myftari është i akuzuar për mashtrim ndaj një klienti.
Avokati nuk ka dëmshpërblyer familjarët e një klienti i cili humbi jetën në një aksident rrugor.
SI NDODHI ARRESTIMI I TIJ:
Policia sqaronte në momentet e arrestimit se avokati ka marrë një shumë të konsiderueshme prej rreth 2 milionë e 700 mijë lekë të reja si dëmshpërblim për dëmin shëndetësor me pasojë vdekjen për shtetasin F.R., shumë të cilën nuk ia ka dorëzuar familjes të së ndjerit.
“Ky shtetas është arrestuar, pasi shtetasi M.S., ka bërë kallzim në ambientet e policisë Tiranë, ku deklaron se shtetasi Myrteza Myftari, me profesion avokat, më datë 02.05.2013, ka marrë një shumë prej 2 722 424 lekë të reja, si dëmshpërblim për dëmin shëndetësor me pasojë vdekjen për shtetasin F.R., shumë të cilën nuk ia ka dorëzuar familjes të së ndjerit”.
Pas kallëzimit janë kryer hetimet dhe sipas policisë pretendimi i familjarëve të viktimës së aksidentit ka rezultuar i vërtet, çka ka çuar në prangosjen e avokatit.
(E.K/SHUPLAKA)
