Një 51-vjeçare është arrestuar në qytetin e Vlorës pasi mashtronte njerëz duke iu premtuar vende pune.
Bukuroshe Kola ishte në kërkim dhe prej kohësh pasi gjykata i kishte dhënë masën e arrestit me burg.
Nga hetimet e mëtejshme të kryera nga Specialistët e Krimit Ekonomik dhe Financiar shtetasja Bukuroshe Kola, ka rezultuar se gjatë periudhës kohore, Dhjetor 2016 – Maj 2017 ka mashtruar rreth 15 shtetas duke iu marrë një shumë të konsiderueshme parash, në total 40.000 euro, me premtimin se do t’iu siguronte një vend pune në institucione shtetërore edhe në kompani private.
DETAJET:
Policia ka vënë në pranga një grua të shpallur në kërkim për për mashtrimin e dhjetëra qytetarëve, të cilëve iu kishte marrë para duke iu premtuar një vend pune.
Sipas të dhënave zyrtare, në sajë të operacionit të koduar “Mashtrimi i Fundit”, Specialistët e Sektorit të Krimit Ekonomik dhe Financiar në Drejtorinë e Policisë Vlorë pas një hetimi të gjatë policor me metoda speciale kanë arritur të bëjnë të mundur kapjen e shtetases së shpallur në kërkim:
– Bukuroshe Kola, 51 vjeçe, banuese në Vlorë.
Kjo shtetase dyshohet se ka konsumuar veprën penale “Mashtrimi, më shumë se një herë dhe me pasoja të rënda”, për të cilën ka marrë edhe masën e sigurisë “Arrest në burg”, prej Gjykatës së Rrethit Gjyqësor Vlorë, me numër Vendimi Penal 258 datë 28.07.2015.
Nga hetimet e mëtejshme të kryera nga Specialistët e Krimit Ekonomik dhe Financiar shtetasja Bukuroshe Kola, ka rezultuar se gjatë periudhës kohore, Dhjetor 2016 – Maj 2017 ka mashtruar rreth 15 shtetas duke iu marrë një shumë të konsiderueshme parash, në total 40.000 euro, me premtimin se do t’iu siguronte një vend pune në institucione shtetërore edhe në kompani private.
Policia ka bërë të mundur menjëherë ndalimin e saj, si dhe vazhdojnë hetimet për vënien para përgjegjësisë të gjithë shtetasit të cilët rezultojnë se mashtrojnë duke marrë shuma parash në këmbim të pozicioneve të ndryshme pune.
(E.K/SHUPLAKA)
Discussion about this post