Mbrëmjen e djeshme disa persona të maskuar kanë grabitur dhe e kanë tmerruar një të moshuar në Belsh.
Ngjarja ka ndodhur mbrëmjen e së hënës rreth orës 22.00, kur persona të maskuar kanë hyrë në banesën e 70-vjeçares Naferit Tafani. Fillimisht e kanë dhunuar gruan e vjetër me mjete të forta dhe më pas i kanë marrë paratë që kishte në shtëpi, rreth 2 milion lekë të vjetra.
Gruaja është gjetur nga fqinjët pa ndjenja dhe me kokë të çarë dhe menjëherë është dërguar në spital. E moshuara jetonte vetëm me bashkëshortin e saj në banesë, i cili në atë kohë nuk ndodhej në shtëpi. Policia po punon për zbardhjen e ngjarjes. (J.V/Shuplaka)
