Mërgim Mavraj është kthyer në një mur të pakalueshëm për skuadrat kundërshtare në bundesligë. Mbrojtësi kuqezi i Këlnit është vlerësuar maksimalisht nga mediat gjermane për paraqitjet e tij ku i ofron siguri maksimale ekipit falë ndërhyrjeve, pasimeve që jep dhe fitimit të dueleve me kundërshtarët.
Bazuar në statistikat e regjistruara, Mavraj është lojtari i vetëm që nuk ka regjistruar asnjë gabim dhe
Këlni nuk ka pësuar asnjë gol për fajin e tij. Qendërmbrojtësi kosovar mban vendin e dytë përsa i përket pasimeve që qojnë ekipin përpara më 493 pasime të tilla, ndërkohë që i pari ka 500 të tilla.
Për sa i përket rinovimit me Këlnin, Mavraj siç e ka pohuar dhe vetë për mediat gjermane mund të vazhdojë përsëri të jetë pjesë e Këlnit.
