Mbrojtësi i Kombëtares, Mërgim Mavraj shpërthen ndaj mënyrës se si funksionon ekipi i Kombëtares në Shqipëri.
Në një intervistë për ‘Supersport’, ka treguar se në ekip nuk funksionon asgjë.
Pyetjes se çfarë nuk funksionon më së shumit në ekipin e kuqezinjëve, Mavraj është përgjigjur se çdo gjë duket sikur nuk funksinon dhe kjo është shqetësuse për vazhdimësin e ekipit.
“Është shumë vështirë me gjet një gjë, janë shumë gjëra që nuk funksionojnë. Me thënë të drejtën, asgjë nuk funksionoi. Nuk ecën as sistemi, as mënyra e lojës, as lojtarët si paraqiten, as vullneti as pasioni siç kemi qenë gjithmonë. Me pasion i kemi mbuluar disa gjëra, por të gjitha këto mungojnë. Ne nuk dorëzohemi. E kemi për detyrë ti përgjigjemi kësa situate. Besoj se ia dalim të gjithë së bashku’’, thotë mbrojtësi.
Në lidhje me aftësit e Panuçit si trajner i Kombëtares, ai tha se të gjithë duhen respektuar edhe kur nuk kanë sukses. (E.V/Faxweb.al)
Discussion about this post