Parlamenti votoi natën e mbrëmshme, në seancën e fundit për këtë vit, Aminstinë për të burgosurit. Po ajo që u vu re gjatë votimit që kërkonte një shumicë të cilësuar prej 84 deputetësh, ishte mungesa e numrave për ligje ‘’të mëdha’’.
Vetëm në minutat e fundit kur do të bëhej votimi sallës së Parlamentit iu bashkuan me urgjencë disa deputetë shpëtimtarë si Armando Prenga, Tom Doshi, Eduard Ndocaj dhe Mirela Ferracaku, raporton ‘’Panorama’’.
Votës së ‘’të përjashtuarve’’ nga PS-ja iu bashkua edhe ish-deputeti democrat Mhill Fufi, i cili ditën e djeshme në mënyrë konstante mbështeti vendimet e qeverisë.
Por votimi i amnistisë dhe Kodit Hekurudhor që kërkonin 84 vota nuk u arrit me lehtësi, pasi për plotësimin e numrave u deshën shumë telefonata dhe negociata të kreut të Grupit të PS-së, Gramoz Ruçi dhe nënkryetarit Taulant Balla. Kryetari i Parlamentit, Ilir Meta, pasi konstatoi se për të gjitha ligjet qeveria mundi të grumbullonte vetëm 79 vota, zgjodhi që të mos fuste për votim amnistinë dhe Kodin Hekurudhor, duke e shtyrë aktin për vitin e ardhshëm.
Batuat e kryeparlamentarit Meta “edhe një, edhe një”, realizuan kalimin me 84 vota pro të amnistisë, duke u dhënë mundësinë rreth 670 të burgosurve të lirohen përpara Vitit të Ri. Kjo tregon edhe njëherë tjetër se ndonjëherë forcave politike, nuk iu dalin si duhet llogaritë me numrat. Dhe se lojërat që luhen jashtë cameras dhe ndërhyjet e papublikuara janë më deçizive se retorikat mes palëve. (E.K/SHUPLAKA)
