Mbahet koncerti tradicional i Krishlindjeve në Shkodër

Në Katedralen Shën Tereza e Kalkutës në Vaun e Dejës në Shkodër, është mbajtur koncerti tradicional i Krishtlindjes.

Këtë aktivitet të organizuar nga Dioqeza e Sapës e bënë të veçantë: orkestra e harqeve e udhëhequr nga Eugjen Gargjola, Artisti i Merituar Mirush Kabashi, sopranoja Erinda Agolli, si dhe kori polifonik që priti Papa Françeskun në vizitën e tij në Shqipëri.

“Kjo mbrëmje artistike na dhuron atë gëzim të domosdoshëm që lartëson zemrat tona, na sjell klimën e festave dhe përcjell mesazhin e dashurisë për më të varfërit, mesazhin e paqes, gëzimit e dashurisë mes njëri-tjetrit”, u shpreh Dom Simoni, administratori i Dioqezës.