Mbahet në burg për përdhunim, i ati: Djali im piu veç dy kafe me të

Kontradiktore, e dhimbshme dhe deri në kufitjë e qesharakes, kjo është panorama që të ofrohet nëse njeh më mirë jetën e dy të rinjve. Jetë që është kryqëzuar disa momente dhe ka lënë gjurmë të thella për vazhdimësinë e jetës së të dyve.

Vajza quhet Ermira Lamaj sot 20 vjeç, në 2011 ka qenë vetëm 14 vjeç kur pretendon se është përdhunuar nga Mentor Hoxhallari. Ai sot vuan dënimin me 10 vite burg nën akuzën e përdhunimit. Për babain e tij djali është i pafajshëm.

Vetë Ermira është larguar drejt Italisë, ku sipas të ëmës ajo përdoret si prostitutë nga tutori i saj. Ka braktisur edhe djalin të cilin e kishte nga martesa e saj e parë me një burrë që e dhunonte.

Në gjithë këtë histori ka një mosmarrëveshje, e ëma në studion e emisionit ‘’Me zemër të hapur’’ deklaronte se nuk e dinte se kush e kishte përdhunuar të bijën, ndërkohë që i bënte apel të kthehej për të birin.

Mirëpo pak vite më parë kur akuzonte Mentor Hoxhallarina ajo e kishte më të qartë se kush e kishte kryer abuzimin ndaj vajzës së saj.

Sipas të atit të Hoxhallarit ka qenë e ëma e vajzës ajo që ka denoncuar përdhunimin në polici vite më parë. Ai bën apel për lirimin e djalit të tij pasi thotë që është i pafajshëm. 

Dëshmia e plotë e të atit:

Djali im ka filluar punë që 14-vjeç, është i sjellshëm, i urtë. Punonte në një lavazh afër shtëpisë së kësaj vajze, ka pirë një apo dy herë kafe me të…

I ka bërë propozim, ka pirë një herë kafe apo dy herë me të dhe asgjë tjetër. E mora vesh kur e ëma kishte ardhur në shtëpinë time, mora vesh që i kërkoi çunit t’i sqaronte si qëndron muhabeti. Djali tha u largova më pas nga vajza, për shkak të nënës. I kishte thënë djali ti në punën tënde unë në timen.

E ëma është në depresion, është e detyruar për mbijetesë. Lindita duhet të dëgjojë familjen, se bën shumë gabime. Nuk dua ta ofendoj, por është një njeri që bën veprime të pahijshme.

Ky ka bërë një propozim si çunat e tjerë, kjo vajti dhe e denoncoi në polici për përdhunim me dhunë. Si shkohet në lokal për kafe dhe të thuash kreva marrëdhënie seksuale me dhunë?