Moderatorja e njohur, Fatma Methasani ka treguar për publikun arsyet se pse për disa kohë e mbajti të fshehtë lidhjen me Alfio Rrotanin. Ajo ka deklaruar se nuk është tip që preferon që gjërat private t’i marrin vesh të gjithë, ndërsa edhe vetë e ka pranuar që e ka ekzagjeruar.
Një arsye Fatma ka renditur moshën e vogël, ndërsa ka treguar në emisionin “Mos i fol shoferit” se kur dilte me Alfion kur askush nuk e dinte, kishte maninë të fshihej sa më shumë dhe vendoste 8 kapele.
“Po provoja një ndjesi komplet të re, po e shijoja aq shumë sa më dukej sikur po ta tregoja nuk do të jetë më kaq e veçantë. Plus që ne po njiheshim dhe nuk më dukej shumë e udhës që në një fazë njohjeje ta bëja të madhe dhe pastaj s’dihej si përfundonte muhabeti.
Ka ardhur komplet organike e gjithë situata. Alfio e kishte problem këtë dëshirën time për ta fshehur lidhjen, disa prej sherreve tona ndodhnin për këtë arsye sepse unë vendosja 8 kapele a thua se ç’po ndodhte. Nuk e kuptoj pse e kam ekzagjeruar, futeshim në punë njëri pas tjetrit, isha e vogël, e papjekur”, ka deklaruar Fatma Methasani.
(M. I./ Faxweb.al)
Discussion about this post